Without Copyright Issue Ke Youtube Par Kisi Dusre Ki Video Upload Kaise Kare

Hello friends, aaj mein aapko bataunga ki kis tarah aap youtube par bina khud ka video banaye paise kama sakte hai. Maine pichli post me aapko bataya tha ki youtube me video upload karke paise kaise kamate hai. Lekin agar aap video editing nahi janate hai aur na hi khud video bana sakte hai. To iska bhi solution mein aapke sath share karne jaa raha hu. Aap without copyright issue ke kisi dusre ka video apne channel par upload kar sakte hai. Detail me janate hai aapko kya karna hai.

Youtube me creative commons attribution ek aisa feature hai jiske through aap apne youtube channel me kisi dusre ka video upload kar sakte hai, vo bhi bina copyright issue ke. Aur yahi nahi inn videos ko apne channel par upload aur monetize karke aap earning bhi kar sakte hai.

Youtube Channel Me Without Copyright Issue Ke Kisi Dusre Ka Video Kaise Upload Kare

Agar aap soch rahe hai ki koi aur apne videos aapko upload kyu karne dega, to mein aapko bata du ki kuch log youtube par videos upload karte hai taki unka video popular ho jaye aur jyada se jyada logo tak pahuche. Isme unka koi niji swarth nahi hota hai, aur vo chahte hai ki unke dwara banaya video famous ho jaye. Chahe koi bhi unke videos ko apne youtube channel par upload kare aur monetize kare isse koi fark nahi padta.

Ab aap soch rahe honge ki bina kisi copyright matter ke kisi aur ka video apne youtube channel me kaise upload kare hai.  To iske liye mein aapko ek simple sa example de raha hu, ki aapne bhi youtube par video upload kiya hoga. Video upload karte samay aapne video ka title, description, tags enter kiye honge aur monetization kiya hoga . Lekin kya kabhi aap advance settings me gaye hai.

Creative Common Attribution Aur Standard Youtube License Feature Kya Hai

Youtube par video upload karte time Advance settings me jayenge to licence and right ownership feature me aapko do option show honge.

without copyright issue

  1. Standard youtube licence agar kisi ne apne video me add kiya hai to inn video ko apne channel par upload karna copyright issue ke under aata hai. Aur aap inn video ko apne youtube channel par upload nahi kar sakte hai. Agar aap aise videos upload karenge to ye copyright matter hoga. Aur aapke khilaf complaint ho sakti hai jisse aapka youtube account block ho sakta hai.
  2. Creative commons – Attribution licence ke under aise videos aate hai, jinko aap apne channel me upload kar sakte hai. Aur inn videos ko monetize karke paise bhi kama sakte hai. Jaisa ki mein aapko pehle hi bata chuka hu ki creative commons feature ka use log apne videos ki popularity badhane ke liye karte hai. Isliye koi bhi without copyright issue ke inn creative commons videos ko apne youtube channel par upload kar sakta hai. Aur youtube se earning kar sakta hai vo bhi bina khud ka video banaye.

 

Without Copyright Issue Ke Youtube Par Kisi Dusre Ki Video Upload Kaise Kare

Step 1

Sabse pehle apne youtube account me login kare.

without copyright issue

  1. My channel par click kare.
  2. Video manager me jaye.

 

 

Step 2

Ab next window me video manager page khulega, bottom left side me jaye.

without copyright issue

  1. Create par click kare.
  2. Video editor me click kare.

 

 

Step 3

Video editor par click karte hi aapke samne creative commons ka option open hoga.

without copyright issue

  1. Credit commons ke icon par click kare.
  2. Search box me video search kare.
  3. Ab search result me videos show honge. Jisse upload karna chahte hai, usko mouse se hold click karte hue niche drag kare.
  4. Drag videos here me video drag karke add kare.
  5. Drag audio here ki help se video me other music add kar sakte hai.
  6. Video ke liye title likhe.
  7. Create video button par click kare.

Create video button par click karte hi aapka video create ho jayega. Ab aap iss video ko monetize kar sakte hai aur youtube se paise kama sakte hai.

Lijiye ab aapne creative commons option ki help se without copyright issue wala video upload kar liya hai. Issi tarah se baki videos bhi aap apne channel par upload kar sakte hai.

I hope aap samajh gaye honge ki youtube me without copyright issue ke other videos kaise upload karte hai. Fir bhi agar aapka post se related koi bhi sawal hoto apne comment ke through puch sakte hai. Mujhe aapko reply karne me khushi hogi. Aur agar aapko ye post acchi lagi hoto isse social media par share bhi jarur kare.

Ramesh Singh

Hello Dosto ! Mera Naam Ramesh Singh Hai. Main Ek Passionate Blogger Hun. Ye Website Maine Banai Hai. Is Website Par Main Longo Ko Hindi Me Jankari Deta Hun Aur Unki Help Karta Hun. Read More

3 thoughts on “Without Copyright Issue Ke Youtube Par Kisi Dusre Ki Video Upload Kaise Kare

  • March 17, 2017 at 7:45 pm
    Permalink

    hello sir…..

    . mai ye video ko download kar k apne phone me edit kar k upload krne se copyright nhi hoga na ???

    Reply

Leave a Reply

Your email address will not be published. Required fields are marked *