Hello friends, iss excel tutorial me hum janenge ki hyperlink ka use kaise karte hai. Agar aap excel work karte hai to hyperlink ke bare me aapko pata hoga. Phir bhi mein aapko bata du ki hyperlink ki help se aap excel worksheet me other file or page ko direct link kar sakte hai.

Agar aap nahi janate ki microsoft excel me hyperlink ka use kaise kiya jata hai. To iss post iss post ko dhyan se padhe isme mein aapko hyperlink use karne ke liye 4 tariko ke bare me batane ja raha hu, to chaliye start karte hai.

Hyperlink Kya Hai

Microsoft excel me hyperlink ek tarah ka link hota hai. Jispar click karke aap another page or file ko direct open kar sakte hai. Hyperlink me aap kisi excel, word, image or text file, webpage, or email ko link kar sakte hai. Excel worksheet me hyperlink create hone ke baad direct hyperlink par click karke linked source ko open kar sakte hai.

Advance Excel Me Hyperlink Ka Use Kaise Kare

Excel worksheet me hyperlink ka use karna bahut hi aasaan hai. Iske liye uss file or page ko select karna hai jisse aap hyperlink me add karna chahte hai. Hyperlink ka use kaise karte hai iski puri jaankari ke liye niche diye steps follow kare.

Step 1

Sabase pehle uss excel file ko open kare jisme aap hyperlink ka use karna chahte hai.

1. Insert tab par click kare.
2. Jiss cell me hyperlink add karna chahte hai usme click kare.
3. Hyperlink sub tab par click kare.

Step 2

Hyperlink tab par click karte hi ek popup box open hoga. Isme aapko apni file choose karni hai jisse hyperlink me add karna hai. Yahapar aapko 4 options milte hai jiski help se aap alag alag tarah se hyperlink create kar sakte hai.

• Excel Me Macro Ka Use Kaise Kare
• Excel Keyboard Shortcut Ki Puri Jaankari

#1 Existing File or Web Page

Iss option ki help se aap apni excel worksheet me koi bhi saved excel, word, jpg etc files ko link kar sakte hai.

Existing file ko link karne ke liye niche diye steps follow kare.

1. Existing File or Web Page par click kare.
2. Text to display box me hyperlink ka name enter kare.
3. Look in dropdown par click karke uss file ka path select kare jisse hyperlink me add karna hai.
4. Jiss file ko link karna hai usse select kare.
5. Address box me file path ka address dekh sakte hai. Yaha se bhi path select kar sakte hai.
6. OK button par click kar dijiye.

Ok button par click karte hi linked file open ho jayegi. Jiska matlab hai ki aapki excel worksheet me existing file ke liye hyperlink create ho gaya hai.

Web Page ko link karne ke liye niche diye steps follow kare.

1. Existing File or Web Page par click kare.
2. Text to display box me hyperlink ka name enter kare.
3. Address box me jiss web page ko aap link karna chahte hai usse enter kare.
4. OK button par click kare.

Lijiye aapki excel worksheet me web page ke liye hyperlink create ho gaya hai.

• Advance Excel Me Alphanumeric String Ka Use Kaise Kare
• Concatenate Formula Ka Use Kaise Kare

#2 Place in This Documents

Iss option ki help se aap current excel file ki kisi sheet ke liye hyperlink create kar sakte hai. For example aap sheet 1 me hyperlink create kar rahe hai. To current sheet ke sath sath sheet 2, sheet 3 or more sheets ke liye hyperlink create kar sakte hai. Iske liye niche diye steps follow kare.

1. Place in This Document par click kare.
2. Jiss excel sheet ko hyperlink me link karna chahte hai, usse select kare.
3. OK button par click kare.

Lijiye aapki current excel file me other excel sheet ke liye hyperlink create ho gaya hai.

• Ms Excel Me Duplicate Words Remove Kaise Kare
• Remove Numeric Macro Ka Use Kaise Kare

#3 Create New Document

Create new document option ki help se aap new excel file banakar hyperlink create kar sakte hai. Iske liye niche diye steps follow kare.

1. Create New Document Par click kare.
2. Text to Display me hyperlink ka name enter kare.
3. Path ke liye koi bhi name enter kare.
4. Edit the new document now option par tick kare.
5. OK button par click kar dijiye.

Lijiye new excel file ke liye hyperlink create ho gaya hai.

• Excel Formula Me Symbol Ad Kaise Kare
• Data Validation List Ka Use Kaise Kare

#4 E-Mail Address

Email address option ki help se aap kisi bhi email ke liye hyperlink create kar sakte ho. Email ke liye hyperlink create karne ke liye niche steps follow kare.

1. E-mail Address option par click kare.
2. Text to display box me hyperlink ka name enter kare.
3. E-mail address box me jiss email ke liye hyperlink create karna hai usse enter kare.
4. Subject enter kar sakte hai otherwise isse blank rehne dijiye.
5. Finally OK button par click kar dijiye.

Ok button par click karte hi email ke liye hyperlink create ho jayega. Issi tarah se aap excel file me upar diye 4 type ki tarah hyperlink create kar sakte hai.

Hyperlink create hone ke baad aapki excel worksheet me hyperlink kuch iss tarah se show honge. Inn links par click karke aap attached file or address ko direct open kar sakte hai. niche image me dekhe.

I hope ab aap samajh gaye honge ki microsoft excel me hyperlink ka use kaise karte hai. Agar aapka iss post se related koi saval ho to comment karke puch sakte hai. Aur agar ye jaankari aapko helpful lage to isse apne friends ke sath share karna bilkul na bhule.