5 whatsapp latest update ke bare me aaj ki iss post me mein aapko batane wala hu, agar aap whatsapp user hai to inn sabhi new update se ab aapki whatsapp chatting aur bhi majedar hone wali hai.

Beete kuch dino me top social messaging app whatsapp ne kai new features launch kiye hai jinke help se whatsapp istemal karne walo ka user experience pehle se bhi jyada better hua hai.

Abhi haal hi me whatsapp me bade update aaye hai aur iss tarah ke naye naye update whatsapp apne users ke liye lata rehta hai. Aur apni service ko aur better banane ke liye aage bhi aapko whatsapp me milne wale hai.

Ye jo 5 whatsapp ke new updates mein aapko batane ja raha hu ye aapki whatsapp chatting ke liye bahut hi useful hone wali hai, aur ye sabhi updates aapko kafi pasand bhi aayenge.

Note:- Inn 5 updates ko abhi beta version wale users ke liye roll out kiya gaya hai aur thode hi dino me inhe sabhi users ke liye roll out kar diya jayega. Isliye agar aapko ye new update nahi mile hai to thoda sa wait kijiye aur time to time apne whatsapp messenger ko update karke check jarur kare.

• Aapka Whatsapp Hacked Hai ya Nahi Aise Kare Check
• Whatsapp Status me 15 Seconds se Longer Video Kaise Lagaye

5 WhatsApp Latest Update – Ab Majedar Ho Jayegi Chatting

1 Always Mute Group/Chat

Kuch time pehle jab aap kisi chat or group ki bar bar aane wali messages notifications se pareshan hokar unhe mute karte they to mute notifications me aapke samne 3 options aate they 8 hours, 1 week aur 1 year.

Lekin ab new update ke baad jab bhi aap kisi chat ya group ko mute karenge to aapke samne yahi 3 options aayenge lekin ab 1 year ki jagah par Always ka option aayega aur aap 1 saal ke bajay hamesha ke liye kisi chat ya group ko mute kar sakte hai.

2 New Storage Usage

Whatsapp settings me storage and data option par click karenge to aapko new interface show hoga yahapar ab aap manage storage option ko sabse top me dekh sakte hai aur jaise hi aap manage storage par click karenge aapko new user interface dekhne ko mil jayega.

Yahapar aapko total space bhi show hoga jaise ki kitna storage used hai aur kitna free, iske sath hi top data usage chat top me preview ke sath ab aapko show hogi jisse aap Review and delete option par click karke ek sath remove kar sakte hai.

3 Status Align

Whatsapp latest update me ab aapko status align ka option bhi milta hai ab aap status upload karte time usme text add karke usse align kar sakte hai, yani ki text ko status screen par upar niche drag karte time ab aapko horizontal aur vertical lines show hogi aur aap status text ko center me add kar sakte hai.

Issi tarah se aap stickers ko bhi upar niche ya center me add kar sakte hai, jab bhi aap text ya stickers ko touch hold karte hue move karenge to horizontal aur vertical dono lines highlight ho jayenge jisse aap easily text ya stickers ko centralize kar sakte hai.

4 Search Stickers

Whatsapp par pehle sirf stickers ko hi search karne ka hi option tha lekin ab aap stickers ke sath sath emoji ko bhi search kar sakte hai. Whatsapp chat open karke message bar me emoji icon par aap jaisi hi click karenge aapko bottom left corner me search icon show ho jayega.

Yahapar stickers icon par click kar search icon par click karke aap koi bhi mood ya feeling ko type karke usse related emoji find kar sakte hai. For example agar aap search bar me happy type karenge to sabhi cheerful emoji filter ho jayenge, issi tarah se aap yahapar sad, angry, like ya dislike type karke related emoji ko search kar sakte hai.

5 Baby Shark Stickers

Whatsapp ne baby shark name se ek new stickers pack upload kiya hai jisme baby shark se related alag alag interesting animated stickers ko aap kisi bhi chat me send kar sakte hai aur samne wale ko impressed kar sakte hai.

Iske liye aapko chat open karke message bar me emoji icon par click karna hai jiske baad alag alag stickers aapke samne aayenge to yahapar right side me plus (+) icon par jaise hi click karenge aapke samne new baby shark stickers pack aa jayega jiss aap download karke use kar sakte hai.

I hope aapko ye 5 whatsapp latest update ki jankari kafi helpful lagi hogi, agar aapko ye post pasand aayi hai to isse apne friends ke sath bhi share jarur kare.