IRCTC Tatkal Railway Ticket Online Book Kaise Kare

IRCTC tatkal ticket online kaise book karte hai aaj iss post me hum janenge. Agar aapko by railway kahi jana hai to iske liye aapko 1-2 mahine pehle hi ticket reservation karna padta hai. Uske baad hi aapka railway ticket confirm ho pata hai. Aur agar festivals ke season me ticket reservation karte hai to aapko ek badi waiting list mil sakti hai. Aur iss waiting list ke confirm hone ke chances bahut kam hote hai.

Agar aapko emergency me kahi dur travel karna hai to aapko waiting list hi milegi ye to confirm hai. Aur waiting list confirm hone ki koi guarantee bhi nahi hoti. Isliye irctc se tatkal ticket ki online booking ka tarika mein aapko batane jaa raha hu. Iss tarike se aap kuch hi minutes me online railway ticket confirm karwa sakte hai.

IRCTC Online Tatkal Ticket Kis Time Book Karna Hai

  • Iske liye aapko Ek din pehle hi irctc tatkal ticket book karna padega. Isliye journey ke ek din pehle online ticket book karwa lijiye.
  • AC class 10 am aur sleeper 11 am ko open hoti hai isliye iss time se 5-7 minutes pehle hi ticket book karwa lijiye. Kyuki bahut se log online railway ticket booking me active hote hai. Iss hisab se aapke paas bahut hi kam time hota hai. Aur thoda sa time delay hone se sabhi tickets book ho sakte hai.

 

Kya Chahiye online IRCTC tatkal ticket book karne ke liye

  • Fast internet connection
  • Computer, laptop or smart phone
  • IRCTC login id, agar login id nahi hai to irctc par sign up kare
  • Cyber cafe or office internet ka bhi use kar sakte hai

 

IRCTC Tatkal Railway Ticket Online Book Kaise Kare

Online irctc tatkal railway ticket book karna bahut aasaan hai . Agar ek baar aapne ye process complete kar liye to future me kabhi bhi easily isse kar sakte ho. To chaliye online railway ticket kaise book karte hai iske liye niche diye easy steps follow kare.

Step 1

Irctc tatkal Online ticket book karne ke liye sabse pehle IRCTC ki official website ko open kare.

IRCTC Tatkal

  1. Sign up link par click karke sabse pehle irctc website par sign up kar lijiye.
  2. Apna user id, password aur niche diya gaya captcha code enter kar login button par click kare.

 

Step 2

IRCTC ki site me login karne ke baad left side me plan my journey select kare. Aur journey starting point se end point aur journey date select kare.

IRCTC Tatkal

  1. From station me select kare ki aapko travel kaha se start karna hai.
  2. To station me select kare ki aapko travel kaha tak karna hai.
  3. Journey date select kare jiss date ko aapko travel karna hai.
  4. Ticket type me e-ticket select kare.
  5. Submit button par click kare.

 

 

Step 3

Ab ek list open hogi. Isme train number, station detail, despatrue, arrival, travel time, distance aur class ki ek list hogi. Yahapar apne according train choose karke class select kare.

IRCTC Tatkal

  1. Tatkal ke tick box me tick kare.
  2. Class Choose Kare.

 

 

Step 4

Ab ye page reload hoga aur top side me aap train ki availability check kar sakte hai.

IRCTC Tatkal

  1. Total fare check kare.
  2. Jo train aapne select ki hai uski date wise avaibility dekh sakte hai. Jiss date ki ticket book karni hai uske niche book now par click kare.

 

 

Step 5

Ab next page me continue with previous booking choice ke button par click kare. Ya replan button par click karke aap isse cancel bhi kar sakte ho.

IRCTC Tatkal

 

 

Step 6

Ab jo agla page open hoga isme aapko passenger detail enter karni hai. Yahapar apne aur other passenger detail bhare.

IRCTC Tatkal

  1. Name ki field me jitne passanger ki railway ticket book karni hai, unke name enter kare.
  2. Passenger name ke age unki age enter kare.
  3. Passenger ka gender select kare.
  4. Berth preference select kare.
  5. Nationality select kare.
  6. 5 year tak ke baccho ki detail yaha bhare.
  7. Next button par click kare.

 

 

Step 7

Agle page me aap passenger detail check kar sakte ho aur apna payment method choose karke payment kar sakte ho. Iske liye niche diye steps follow kare.

IRCTC Tatkal

IRCTC Tatkal

  1. Total passenger detail check kare.
  2. Total fare kitna hai check kare.
  3. Payment method selection kare.
  4. Make payement button par click kare.

Iske baad jo payment method aapne choose kiya hai uski detail bharkar payment submit kar dijiye. Aapki tatkal railway ticket booking successful ho jayegi.

To dosto issi tarah se aap irctc ki website par jakar online tatkal ticket book kar sakte ho. I hope aapko tatkal railway ticket online booking kaise karte hai ye post acchi lagi hogi. Agar aapka iss post se related koi saval ho to comment karke puch sakte ho. Aur agar ye jaankari aapko helpful lage to isse share karna bilkul na bhule.

Ramesh Singh

Hello Dosto ! Mera Naam Ramesh Singh Hai. Main Ek Passionate Blogger Hun. Ye Website Maine Banai Hai. Is Website Par Main Longo Ko Hindi Me Jankari Deta Hun Aur Unki Help Karta Hun. Read More

Leave a Reply

Your email address will not be published. Required fields are marked *