YOU TUBE

Youtube Videos Me Custom Thumbnail Enable Kaise Kare

Youtube par video thumbnail hi aapki video ka first look hota hai jisse viewers attract hote hai. Custome thumbnail youtube video ke liye bahut jaruri hota hai. Youtube videos me custom thumbnail use karke aap video ke views increase kar sakte hai. Lekin agar aapke youtube channel par custom thumbnail option enable nahi hai. To aap apne video ke liye koi bhi attractive thumbnail khud banakar set nahi kar sakte hai. Aur youtube me video upload karte time majbooran aapko auto generated 3 thumbnail me se kisi ek ko choose karna padega apne video thumbnail add karne ke liye.

Jab bhi hum koi video youtube par upload karte hai to video se related thumbnails automatically create ho jate hai. Aur agar aapke channel par custom thumbnail enable nahi hai. To aapko inn auto generated thumbnails ko hi apni video me use karna padta hai. Jo ki itne clear bhi nahi hote hai aur na hum inko customize kar sakte hai.

Agar aapne new youtube channel create kiya hai to aapke channel par sabhi features enable nahi hote hai. Youtube ke all feature use karne ke liye aapko pehle apne channel ko verify karna hota hai. Tabhi aap apne channel par youtube custom thumbnail ke sath sath other feature bhi enable kar sakte ho.

Agar aapke channe par youtube custome thumbnail enable nahi hai. To  video manager me channel section me jakar aap isse enable kar sakte hai. Lekin agar yahapar bhi enable ka option available nahi ho, jaisa aap niche image me dekh sakte hai. Custom thumbnail not enable hai aur enable karne ke liye koi option bhi nahi hai. To iske liye niche bataye easy steps ko follow kare.

Custom Thumbnail

 

Youtube Videos Me Custom Thumbnail Enable Kaise Kare

Custom youtube thumbnail enable hone ke baad aap kisi bhi software se video ke liye thumbnail create kar sakte hai. Youtube thumbnail banane ke liye aap photoshop ya snagit software ka bhi use kar sakte hai. Ya other youtube thumbnail maker ka use kar sakte hai. To chaliye ab step by step janate hai ki youtube videos me custom thumbnail kaise start karte hai.

Step 1

Sabse pehle apne youtube ki official website me jaye aur apna youtube channel open kare.

Custom Thumbnail

  1. Top right side me channel profile image par click kare.
  2. Youtube settings gear icon par click kare.

 

 

Step 2

Next window me aap youtube channel ke account settings section me pahuch jayenge. Yahapar view additional features link par click kare.

Custom Thumbnail

 

Step 3

Ab jo next page open hoga isme youtube channel ko phone no. se verify karna hai. Iske liye channel name ke thik niche verify button par click kare.

Custom Thumbnail

 

 

 

Step 4

Agli window me aapke mobile number par otp send karne ka option aayega. Yahapar aap call ya sms se apne mobile number par otp mangwa sakte hai.

Custom Thumbnail

  1. Select your country dropdown par click kar apni country (india) select kare.
  2. Verification code receive karne ke liye option choose kare. Code aap call ya sms kisi bhi tarah se mangwa sakte ho.
  3. Apna 10 digits ka mobile number enter kare.
  4. Submit button par click kar dijiye.

 

 

Step 5

Submit buitton par click karte hi next page me aapko verification code enter karna hai. Aapke mobile number par ek verification code bheja jayega, code ko yaha enter kare.

Custom Thumbnail

  1. Mobile me aaya verification code enter kare.
  2. Submit button par click kare.

 

 

Step 6

Ab ek popup window open hogi, yahapar aap dekh sakte hai ki youtube account verify ho chuka hai. Isme continue button par click kar dijiye.

Custom Thumbnail

 

Lijiye continue button par click karte hi aapke youtube channel ki verification complete ho gayi hai. Iski ke sath aapke youtube channel par custom thumbnail enable ho chuka hai. Ab aap kisi bhi video me custom thumbnail ko easily add kar sakte hai. Aur apne youtube videos ko aur bhi jyada attrative bana sakte hai.

Video Dekhe

I hope ab aapko pata chal gaya hoga ki youtube videos par custom thumbnail kaise enable karte hai. Iss post se related aapka koi doubt ho to comment jarur kare aur iss jaankari ko share bhi jarur kare.

Ramesh Singh

Hello Dosto ! Mera Naam Ramesh Singh Hai. Main Ek Passionate Blogger Hun. Ye Website Maine Banai Hai. Is Website Par Main Longo Ko Hindi Me Jankari Deta Hun Aur Unki Help Karta Hun. Read More

9 thoughts on “Youtube Videos Me Custom Thumbnail Enable Kaise Kare

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.